کسی کو ڈکٹیشن دینے کی ضرورت نہیں، الیکشن کب ہوں گے یہ فیصلہ پارلیمنٹ کو کرنا ہے: شہباز شریف

قومی اسمبلی میں آج کی کارروائی کا احوال

قومی اسمبلی کے اجلاس کی آج کی کارروائی کے بارے میں بتا رہے ہیں پارلیمنٹ ہاؤس سے ہمارے نمائندے علی فرقان اور سارہ حسن۔

پنجاب اسمبلی کا اجلاس 6 اپریل تک ملتوی

وزیرِ اعلٰی کے انتخاب کے لیے ہونے والا پنجاب اسمبلی کا اجلاس چھ اپریل تک کے لیے ملتوی کر دیا گیا ہے۔ مزید تفصیلات بتا رہے ہیں وائس آف امریکہ کے نمائندے ضیاالرحمٰن اس فیس بک لائیو میں۔

اپوزیشن نے اپنے طور پر قومی اسمبلی کا اجلاس شروع کر دیا

حزبِ اختلاف کی جماعتوں کے ارکان قومی اسمبلی میں بدستور موجود ہیں اور انہوں نے اپنے طور پر ایوان کی کارروائی شروع کر دی ہے۔

مسلم لیگ (ن) سے تعلق رکھنے والے رکن ایاز صادق نے اسپیکر کی نشست سنبھال لی ہے اور وہ تحریکِ عدم اعتماد پر ایوان کی کارروائی جاری رکھے ہوئے ہیں۔

ڈپٹی اسپیکر کا اقدام آئین کی خلاف ورزی ہے؛ مستعفی ڈپٹی اٹارنی جنرل

قومی اسمبلی کے اجلاس میں ڈپٹی اسپیکر کی جانب سے تحریکِ عدم اعتماد مسترد کرنے کے اقدام کے بعد مستعفی ہونے والے ڈپٹی اٹارنی جنرل راجہ خالد محمود خان کا کہنا ہے کہ ان سے حکومت نے اس معاملے پر مشاورت نہیں کی تھی البتہ اٹارنی جنرل سے اگر کوئی مشاورت ہوئی تھی تو وہ اس سے لاعلم ہیں۔

نجی ٹی وی چینل ’جیو نیوز‘ سے گفتگو میں راجہ خالد محمود کا کہنا تھا کہ ڈپٹی اسپیکر نے اپنے اقدام سے آئین اور قواعد کے خلاف کام کیا ہے۔ ان کی رولنگ آئین اور قانون کے تابع نہیں ہے۔

انہوں نے مزید کہا کہ سپریم کورٹ اس معاملے پر نوٹس لے گی تو سب سامنے آجائے گا۔

ان کا کہنا تھا کہ ڈپٹی اسپیکر کا یہ اقدام آئین کے آرٹیکل چھ کی خلاف ورزی ہے۔