کرونا بحران میں ورچوئل ریئلٹی نے گھر بیٹھے دنیا کی سیر ممکن بنا دی
عالمی وبا کے دوران دنیا بھر میں سخت لاک ڈاؤن اور سفری پابندیوں کے باعث گھر بیٹھے دنیا کی سیر کرنے کا خیال ورچوئل ریئلٹی کے ذریعے حقیقت میں تبدیل ہو گیا ہے۔
ٹیکنالوجی کی نئی ایپس اور بہتر ہارڈوئیر کی مدد سے ورچوئل ریئلٹی عام افراد کی دسترس میں ہے۔ اس ٹیکنالوجی کے ذریعے کوئی بھی شخص اب اپنے گھر بیٹھے دنیا کی حسین وادیوں، گھنے جنگلات میں سفر کر سکتا ہے یا کسی ریسنگ کار میں بیٹھ کر سڑکوں کی سیر کا لطف لے سکتا ہے۔
خبر رساں ایجنسی 'اے ایف پی' کے مطابق اگرچہ ابھی اس ٹیکنالوجی کے پاس ڈیٹا کی کمی ہے مگر اس پر کام کرنے والے ڈیویلپرز یا سافٹ وئیر انجنئیرز عالمی وبا کے دوران اس میں خاص دلچسپی دکھا رہے ہیں۔
نوے فی صد بالغ افراد آئندہ ماہ کرونا ویکسی نیشن کے اہل ہوں گے: صدر بائیڈن
امریکہ کے صدر جو بائیڈن نے کہا ہے کہ امریکہ میں ہر 10 میں سے نو بالغ افراد آئندہ ماہ سے کرونا وائرس کی ویکسین لینے کے اہل ہوں گے۔
امریکہ کے صدر نے پیر کو یہ اعلان ایک ایسے موقع پر کیا ہے کہ جب ملک میں ایک بار پھر کیسز میں اضافہ دیکھا جا رہا ہے۔
جو بائیڈن کا مزيد کہنا تھا کہ اس وقت وبا کے ساتھ ہماری زندگی اور موت کی دوڑ جاری ہے۔ کرونا وائرس تیزی سے پھیل رہا ہے اور کیسز میں دوبارہ اضافہ ہو رہا ہے۔
انہوں نے کہا کہ وبا کی نئی اقسام پھیل رہی ہیں اور گزشتہ کئی ہفتوں کے دوران احتیاط نہ برتنے سے آنے والے ہفتوں میں نئے کیسز سامنے آنے کا خدشہ ہے۔
اپریل کے وسط تک ویکسین کی مزید لاکھوں خوراکیں دستیاب ہوں گی: اسد عمر
وفاقی وزیر منصوبہ بندی اسد عمر نے کہا ہے کہ اپریل کے وسط تک پاکستان کو کرونا ویکسین کی مزید کئی لاکھ خوراکیں دستیاب ہوں گی۔
منگل کو ایک ٹوئٹ میں اسد عمر کا کہنا تھا کہ چین کی تیار کردہ 'کین سائنو' ویکسین کی پہلی کھیپ پاکستان کو موصول ہو گئی ہے۔
اُن کا کہنا تھا کہ یہ وہی ویکسین ہے جس کے فیز تھری ٹرائلز میں پاکستان نے حصہ لیا تھا۔
اُن کا کہنا تھا کہ یہ ویکسین بلک میں درآمد کی جائے گی جس کے بعد اسے پاکستان میں پیک کیا جائے گا۔
اسد عمر کا کہنا تھا کہ اس ویکسین سے لگ بھگ 30 لاکھ خوراکیں تیار کی جا سکیں گی۔