بھارتی پارلیمان پر دسمبر 2001 میں ہونے والے حملے کے مجرم قرار دیے گئے کشمیری حریت پسند محمد افضل گورو کی آٹھویں برسی پر منگل کو وادیٔ کشمیر میں جزوی ہڑتال ہے۔
افضل گورو کی آٹھویں برسی پر بھارتی کشمیر میں ہڑتال
9
تیرہ دسمبر 2001 کو بھارتی پارلیمان پر دہشت گردوں کے حملے میں آٹھ سیکیورٹی اہلکار اور ایک مالی ہلاک اور 16 افراد زخمی ہوئے تھے۔ فورسز کی جوابی کارروائی میں پانچ مشتبہ دہشت گرد بھی مارے گئے تھے۔
10
بھارتی حکومت نے حملے کے لیے عسکری تنظیم 'جیش محمد' کو ذمہ دار قرار دیا تھا۔ افضل گورو پر حملہ آورں کی اعانت کر کے بھارتی حکومت کے خلاف جنگ چھیڑنے اور حملے کے لیے کی گئی سازش میں شامل ہونے کے الزامات عائد کیے گئے تھے۔
11
بھارتی سپریم کورٹ نے افضل گورو کو انسدادِ دہشت گردی کی ایک عدالت کی طرف سے سنائی گئی موت کی سزا کو برقرار رکھتے ہوئے کہا تھا۔ "جرم کی سنجیدگی کو الفاظ میں بیان نہیں کیا جاسکتا۔ اس واقعے (پارلیمنٹ پر حملے) نے پوری قوم کو ہلا کر رکھ دیا تھا اور سوسائٹی کے اجتماعی ضمیر کو صرف مجرم کو سزائے موت دینے سے ہی مطمئن کیا جا سکتا ہے۔"
12
انسانی حقوق کی تنظیم 'ایمنسٹی انٹرنیشنل' نے افضل گورو کے خلاف مقدمے کے دوران اپنائے گئے طریقۂ کار کو غیر تسلی بخش قرار دیا تھا اور کہا تھا کہ ملزم کو موزوں قانونی نمائندگی فراہم نہیں کی گئی۔
