امریکہ اور فلپائن کی مشترکہ بحری مشقیں

امریکہ اور فلپائن کے 2500 سے زیادہ میرین فوجی پیر کو جنگی مشقوں میں شامل ہوئے تاکہ جنوبی بحیرہ چین کے علاقائی تنازعات اور تائیوان پر بڑھتے ہوئے تناؤ پر خطے میں کسی بھی بحران کا مقابلہ کیا جا سے۔

فوجی حکام نے بتایا کہ سالانہ فوجی مشقیں نو منتخب فلپائنی صدر مارکوس جونیئر کی قیادت میں دیرینہ معاہدے کے اتحادیوں کے درمیان پہلی بڑی مشقیں ہیں۔ ان کے پیشرو، ، امریکی سیکیورٹی پالیسیوں کے سخت نقاد تھے اور امریکی افواج کے ساتھ فوجی مشقوں کے بارے میں ان کا کہنا تھا کہ وہ چین کو ناراض کر سکتی ہیں۔

امریکی فوجی حکام نے بتایا کہ فوجی مشقیں جاپان کے شمالی جزیرے ہوکائیڈوپر امریکی میرینز اور جاپانی فوج کے درمیان جنگی مشقوں کے ساتھ بیک وقت کی جا رہی ہیں جن میں دونوں جانب کے تقریباً 3000 فوجی اہلکار شامل ہیں۔

جاپان میں قائم تھرڈ میرین ڈویژن کے امریکی میجر جنرل جے برگران نے کہا ہے کہ بیک وقت ہونے والی ان مشقوں کا مقصد حقیقی مشترکہ تربیت کے ذریعے امریکی اتحادیوں،فلپائن اور جاپان کے ساتھ دفاعی صلاحیتوں کو بہتر بنانا ہے ۔

امیر ممالک آب و ہوا کی تبدیلی پر 100 ارب ڈالر کی فندنگ کا وعدہ پورا کریں: گوٗٹریس

اقوام متحدہ کے سیکریٹری جنرل نے ترقی یافتہ ملکوں سے اپیل کی کہ وہ نومبر میں آب و ہوا کے جائزے پر مصر میں ہونے والی کانفرنس سے قبل ترقی پذیر ملکوں میں آب و ہوا کی تبدیلی سے نمٹنے کے اقدامات میں مدد کے لیے سالانہ 100 بلین ڈالر کی فنڈنگ کے اپنے وعدے کو پورا کریں ۔

انٹونیو گوئٹریس نے نامہ نگاروں کو بتایا کہ آب ہو ا کی تبدیلی سے مطابقت اور اس کے خلاف مزاحمت پیدا کرنے کے لیے فنڈنگ کو آب وہوا کی تمام فنڈنگ کے کم از کم نصف کی نمائندگی کرنی چاہئے ۔"

اقوام متحدہ کا کہنا ہے کہ گروپ 20 کے ملک کاربن کے عالمی اخراج میں سے 80 فیصد کےذمہ دار ہیں لیکن وہ 100 ارب سالانہ کی فنڈنگ کا اپنا وعدہ پورا کرنے میں سست رہے ہیں۔

وزرا ، آب و ہوا کے ماہرین اور سول سوسائٹی کے نمائندےاس ہفتے جمہوریہ کانگو کے دار الحکومت ، کنشاسا میں اجلاس کر رہے ہیں تاکہ نومبر میں سی او پی 27 کے طورپر معروف، آب و ہوا سے متعلق کانفرنس اجلاس کے لیے ایجنڈا تیار کر سکیں ۔

یہ اجلاس بحیرہ احمر کے تفریحی مقام شرم الشیخ میں 6 سے 18 نومبر تک ہو گا۔

گوئٹریس نے کہا کہ ،" میں تمام رہنماؤں پر زور دیتا ہوں کہ وہ سی ا و پی 27 میں بھر پور طریقے سے حصہ لیں اور دنیا کو بتائیں کہ وہ قومی اور عالمی سطح پر آب وہوا کی تبدیلی سے نمٹنے کے لئے کیا اقدام کریں گے"۔

آب و ہوا کے امور سے متعلق امریکہ کے خصوصی ایلچی اس ہفتے کنشاسا میں عالمی رہنماؤں کےساتھ موجود ہوں گے۔

تائیوان نے انگریزی زبان کا پہلا ٹی وی چینل لانچ کر دیا

تائیوان کی صدر سائی انگ وین انگریزی ٹی وی چینل تائیوان پلس کی افتتاحی تقریب سے خطاب کر رہی ہیں۔

تائیوان نے پیر کے روز اپنا پہلا انگریزی زبان کی خبروں، لائف اسٹائل اور تفریحی ٹیلی ویژن چینل لانچ کر دیا ہے تاکہ اسے بین الاقوامی سطح پر ایک ایسے وقت میں ایک بڑی آواز دی جا سکے جب چین اسے اپنا علاقہ قرار دینے کی کوشش کررہاہے۔

حکومت کے حمایت یافتہ تائیوان پلس نے گزشتہ سال زیادہ تر ایک آن لائن اسٹریمنگ پلیٹ فارم کے طور پر کام شروع کیا تھا اور صدر سائی انگ وین

نے اس کی بھرپور حمایت کی تھی۔

لانچ کی تقریب سے خطاب کرتے ہوئے، سائی نے کہا تائیوان کی کہانیاں دنیا کے ساتھ شیئر کی جانی چاہئیں۔ "دنیا بھر میں زیادہ سے زیادہ لوگوں کی تائیوان میں دلچسپی لینے کے ساتھ یہ پہلے سے کہیں زیادہ اہم ہے کہ ہمارے پاس تائیوان کو بین الاقوامی برادری تک لانے کے لیے ایک پلیٹ فارم ہو۔"

یہ ٹی وی چینل ابھی صرف تائیوان میں دستیاب ہے لیکن کلچر منسٹر لی یونگ ٹی نے نامہ نگاروں کو بتایا کہ وہ اگلے چھ ماہ میں اسے امریکہ میں لانچ کرنے کا ارادہ کر رہے ہیں۔

صدر بائیڈن کا سمندری طوفان فیونا سے متاثرہ پورٹوریکو کا دورہ، 60 ملین ڈالر امداد کا وعدہ

امریکی صدر جو بائیڈن نے پیر کو پورٹو ریکو میں سمندری طوفان فیونا سے ہونے والے نقصان کا جائزہ لیا اور گزشتہ ماہ کے طوفان کے نتیجے میں امریکی علاقے کی مدد کے لیے 60 ملین ڈالر سے زیادہ کی امداد کا وعدہ کیا۔

صدر بائیڈن نے سمندری طوفان سے شدید متاثر جنوبی شہر پونس کے دورے میں کہا کہ"ہم پورٹو ریکو کی سڑکوں، پلوں، عوامی آمدورفت، بندرگاہوں، ہوائی اڈوں، پانی کی حفاظت اور تیز رفتار انٹرنیٹ میں سرمایہ کاری کر رہے ہیں" ۔

ان کا کہنا تھا کہ ان کی انتظامیہ پورٹو ریکو کی تعمیر نو کے لیے پرعزم ہے۔ صدر نے وعدہ کیا ۔

بائیڈن نے کہا کہ ،" جب تک میں صدر ہوں ، ہم اس وقت تک یہاں سے نہیں جائیں گے جب تک ہم ہر و ہ کام نہ کر لیں جو ہم کر سکتے ہیں"۔

بائیڈن بدھ کے روز جنوب مشرقی ریاست فلوریڈا جائیں گےجو گزشتہ ہفتے ہری کین سے متاثر ہوئی تھی۔