قطر نے فٹ بال ورلڈ کپ کے لیے تیرتے ہوٹل کے طور پر تیسرا کروز جہاز کرائے پر لے لیا

قطر میں ورلڈ کپ کے منتظمین نے پیر کو دوحہ پورٹ پر فٹ بال کے پرستار ہوٹل کے طور پر استعمال کے لیے ایک تیسرا کروز جہاز کرایہ پر لیا ہے تاکہ ٹورنامنٹ کے لیے شدت سے درکار کمروں میں اضافہ کیا جاسکے۔

نے 20 نومبر کو ورلڈ کپ شروع ہونے سے صرف چھ ہفتے قبل معاہدے کا اعلان کیا۔ جنیوا میں قائم بحری جہازوں کی گلوبل کمپنی MSC Cruises

نے 20 نومبر کو ورلڈ کپ شروع ہونے سے صرف چھ ہفتے قبل معاہدے کا اعلان کیا۔

1,075 کروزجہازجس میں 1075 کیبن ہیں، نومبر سے 19 دسمبر تک دستیاب ہوگا۔

پیر کو ایم ایس سی کی ویب سائٹ پر درج کی گئی اوپیرا کی قیمتیں گروپ مرحلے کے دوران کم از کم دو راتوں کے قیام کے لیے فی شخص 470 ڈالر فی رات سے شروع ہوتی ہیں۔

قطر کے پاس ورلڈ کپ میں تمام ٹیموں، کارکنوں، رضاکاروں اور شائقین کے لیے ہوٹلوں کی گنجائش موجود نہیں ہے اور وہ کیمپنگ اور کیبن سائٹس بنا رہا ہے، کروز جہاز کرایہ پر لے رہا ہے اور شائقین کو پڑوسی ملکوں میں قیام کرنے اوروہاں سے کھیلوں کے لئے فضائی ذریعے سے آنے کی ترغیب دے رہا ہے۔

ادارے کو جلد اضافی فنڈز نہ ملے تو پناہ گزینوں کے پروگراموں میں شدید کمی کرنا پڑے گی: یو این ایچ سی آر

اقوام متحدہ کے ہائی کمشنر برائے مہاجرین فلیپو گرانڈی نے پیر کے روز کہا کہ اگر ادارے کو جلد ہی اضافی فنڈز نہ ملے تو اسے "شدید کٹوتیاں" کرنا ہوں گی جس کے نتیجے میں مزید غذائی قلت اور بچوں کی شادیوں کے ساتھ ساتھ دنیا کے غریب ترین خطوں میں بدامنی پھیل سکتی ہے۔

رائٹرز کے مطابق یوکرین میں جنگ نے لاکھوں لوگوں کو نقل مکانی پر مجبور کیا ہے اور اس وقت دنیا بھر میں 10 کروڑ سے زیادہ لوگ جبری طور پر بے گھر ہو چکے ہیں ۔

ادارے کےایک ترجمان نے کہا کہ اس وقت ، ایجنسی کے 12 پروگراموں کو 50 فی صد یا اس سے کم رقم فراہم کی جاتی ہے

اور ڈر ہے کہ اس کے نتائج بہت دور رس ہوں گے۔

غذائیت کی کمی کی شرح میں اضافے سے لے کر جنس پر مبنی تشدد، بچوں کی شادی، مزدوروں کے استحصال، وسائل کی کمی پر مقامی کمیونٹیز کے اندر بڑھتی ہوئی کشیدگیاں اور بدامنی کے بڑھتے ہوئے خطرات، اور اسی طرح کے دوسرے نتائج "۔

اقوام متحدہ میں یوکرینی علاقوں کے روس میں انضمام پر بحث

اقوام متحدہ میں یوکرین کے سفیر سرگئی کسلٹسیا ، نے اقوام متحدہ کی جنرل اسمبلی کے ایک خصوصی اجلاس میں بتایا کہ کم از کم 84 میزائل اور دو درجن ڈرون یوکرین بھر کے شہروں پر داغے جا چکے ہیں، جس سے موت اور تباہی کا ایک سلسلہ شروع ہو چکا ہے۔

پیر کے روز بات کرنے والے 20 ممالک میں سے، روس کے علاوہ سبھی نے تازہ ترین حملوں کی مذمت کی۔ کچھ نےخدشہ ظاہر کیا کہ وہ جنگی جرائم میں اضافہ کر سکتا ہے۔

ماسکو کے سفیر نے کہا کہ پیر کے حملے ہفتے کے روز کرئمیا کو روسی سرزمین سے ملانے والے پل پر بمباری کے جواب میں تھے۔

کریملن کے ریفرنڈمز اور الحاق پر بات کرتے ہوئے ماسکو کےایلچی نے کہا کہ چار علاقوں کی واضح اکثریت نے روس میں شامل ہونے کی حمایت کی ۔

جنرل اسمبلی کی بحث بدھ کی صبح دوبارہ شروع ہو گی اور مزید 45 ملکوں نے بحث میں حصہ لینے کی درخواست کی ہے۔ امریکہ بحث کے اختتام پر خطاب کرے گا ۔

بحث کے اختتام پر 193 ملکی اسمبلی سے یوکرین اور یوروپی یونین کی جانب سے روس کے یوکرینی علاقے کے الحاق کے اقدام مذمت اور اسے مسترد کرنے کے لیے پیش کردہ قرارداد پر ووٹنگ کے لیے کہا جائے گا۔

کیف سمیت یوکرین کے کئی شہروں میں میزائل حملے، متعدد ہلاک اور زخمی

یوکرین کے دارالحکومت میں کئی مہینوں کی نسبتاً سکون کے بعد پیر کی صبح دو دھماکوں نے کیف کو ہلا کر رکھ دیا۔

رائٹرز کی رپورٹ میں کہا گیا ہےکہ کئی ہفتوں کی خاموشی کے بعد روس نے کیف کو صدر ولادی میر پوٹن کی جانب سے کرائمیا کے ایک پل پر یوکرین کے حملے کو دہشت گردی قرار دیے جانے کے بعد نشانہ بنایا ہے۔

کیف کے مرکزی پارک میں میزائل گرنے سے ایک بڑا گڑھا بن گیا، دھماکے سے کئی افراد زخمی ہونے کی اطلاعات ہیں۔

دارالحکومت کیف کے علاوہ روس نے ترنوبیل، زیتومیر، ڈینیرو اور کرمینچوک کو بھی نشانہ بنایا ہے۔

ان حملوں کے بعد یوکرین کے صدر ولادومیر زیلینسکی نے ٹیلی گرام پر اپنے ایک پیغام میں کہا ہے کہ "وہ ہمیں دنیا سے مٹانا چاہتے ہیں۔ انہوں نے زاپوریزہزیا میں لوگوں کو اس وقت ہلاک کیا جب وہ اپنے گھروں میں سو رہے تھے۔ "انہوں نے ڈینپو اور کیف میں لوگوں کو اس وقت ہلاک کیا جو وہ اپنے کام پر جا رہے تھے۔ یہ میزائل حملے تھے جن میں بدقسمتی سے لوگ ہلاک اور زخمی بھی ہوئے۔

اے ایف پی کی رپورٹ میں یوکرین کے ایک سینئر جنرل کے حوالے سے بتایا گیا ہے کہ روس نے یوکرین کے مختلف شہروں پر مجموعی طور پر 75 میزائل فائر کیے ہیں۔ ایک 39 سالہ ٹیچر سینیا نے اے ایف پی کو بتایا کہ جب پہلا دھماکہ ہوا تو ہم سو رہے تھے۔ دھماکے کی آواز سے جاگ کر ہم باہر نکلے کہ دیکھیں کیا ہوا ہے تو اسی دوران دوسرا دھماکہ ہو گیا۔

ابتدائی اطلاعات کے مطابق کیف میں 5 افراد کے ہلاک ہونے کی اطلاعات ہیں۔

برطانیہ کے سیکرٹڑی جارجہ جیمز کلیولی نے اپنے ردعمل میں کہا ہے کہ کیف سیمت یوکرین کے شہروں پر میزائل حملے ناقابل قبول ہیں۔ انہوں نے اپنے ٹویٹ میں کہا ہے کہ ولادی میر پوٹن کا یہ اقدام ان کی کمزوری کو ظاہر کرتا ہے۔

سوشل میڈیا پر پوسٹ کی جانے والی ویڈیوز میں یرکرین کے مختلف شہروں میں متعدد مقامات پر دھوئیں کے بادل بلند ہوتے ہوئے دکھائی دے رہے ہیں۔