ایمن الظواہری کی ہلاکت کا اعلان کرتے ہوئے صدر جو بائیڈن نے واضح کیا کہ دہشت گرد یہ جان لیں کہ وہ امریکہ کے لوگوں اور اس کے مفادات کو نقصان پہنچائیں گے تو وہ کہیں بھی ہوں گے، جتنا بھی چھپ لیں، ان کو کیفرکردار تک پہنچایا جائے گا۔
وائس آف امریکہ کو دیے گئے ایک خصوصی انٹرویو میں سابق صدر اشرف غنی کے بھائی حشمت غنی نے کہا کہ ان کے بھائی 18 ماہ عالمی برادری کو دوحہ امن معاہدے میں پائی جانے والی خامیوں سے آگاہ کرتے رہے اور یہی وجہ ہے کہ طالبان کو اقتدار سنبھالے ایک سال مکمل ہونے کو ہے لیکن افغانسان بے یقینی کا شکار ہے۔
افغانستان کے سابق صدر اشرف غنی کے بھائی حشمت غنی کہتے ہیں کہ کابل پر طالبان کا قبضہ ان کے لیے باعثِ حیرت نہیں تھا۔ ان کے بقول اشرف غنی کی صدارت کے آخری ایام میں افغان فوج، این ڈی ایس اور نیشنل سیکیورٹی ٹیم صدر کے احکامات پر نہیں بلکہ امریکی احکامات پر چل رہے تھے۔
پاکستانی کوہ پیما ثمینہ بیگ کے بھائی مرزا عل بیگ نے بتایا ثمینہ بیگ نے اپنی ٹیم کے دیگر ارکان عید محمد، بلبل کریم، احمد بیگ، رضوان داد، وقار علی اور اکبر حسین سدپارہ کے ہمراہ جمعہ کی صبح 7 بج کر 42 منٹ پر کے 2کو سر کیا جس کی بلندی 8 ہزار611 میٹر ہے۔
افغانستان میں زلزلے سے متاثرہ صوبہ پکتیکا کے مقامی افراد کاکہنا ہے کہ علاقے میں اب بھی آفٹر شارکس جاری ہیں۔ دیہات کے دیہات اور قصبوں کے قصبے صفحہ ہستی سے مٹ گئے جب کہ بجلی اور مواصلات کا نظام تباہ ہو کر رہ گیا ہے۔
طالبان نے جب پہلی بار افغانستان کا کنٹرول سنبھالا تو لاکھوں افغان مہاجرین نے پناہ کے لیے پاکستان کا رخ کیا تھا۔ گزشتہ برس طالبان کے دوبارہ اقتدار میں آنے کے بعد ایک بار پھر ہزاروں افغان پناہ گزینوں نے پاکستان آنے کو ترجیح دی۔ دو مرتبہ ہجرت کی تکلیف سے گزرنے والے مہاجرین کس حال میں ہیں؟ رپورٹ دیکھیے
کالعدم تحریک طالبان پاکستان نے صوبۂ خیبرپختونخوا میں ضم ہونے والے سابق قبائلی علاقوں کی پرانی حیثیت بحال کرنے کا مطالبہ کیا ہے۔
افغانستان کے صوبہ خوست سے تعلق رکھنے والے سلیمان زوندے کا شمار بھی انہی صحافیوں میں ہوتا ہے جنہیں گزشتہ برس 15 اگست کے بعد ہونے والے حالات و واقعات کے باعث اپنا ملک چھوڑنا پڑا۔
'طلوع نیوز' کے نیوز منیجر زیرک فہیم کا کہنا ہے کہ طالبان کی وزارت امر بالمعروف و نہی عن المنکر کی جانب سے موصول ہونے والی ہدایات کے بعد چینل انتظامیہ ایک میٹنگ کے دوران اس بات پر متفق ہوئی ہے کہ چینل کسی بھی خاتون نیوز اینکر کو چہرہ چھپانے پر مجبور نہیں کرے گا۔
پل ٹوٹنے کی وجہ سے وسطی ہنزہ کا زمینی رابطہ اپر ہنزہ سے ٹوٹ گیا۔ جس کی وجہ سے ہزاروں افراد جن میں سیاح بھی شامل تھے، دونوں اطراف پھنس گئے۔
طالبان کی وزارت امر بالمعروف ونہی عن المنکر کی جانب سے جاری کردہ ایک ہدایت نامے کے مطابق وہ خواتین جو عمر کے لحاظ سے زیادہ نہ ہوں یا جوان ہوں ، اگر ان کا سامنا نامحرم مردوں سے ہو تو وہ آنکھوں کے علاوہ اپنے چہرے کو لازمی چھپائیں۔
محکمہ موسمیات نے بھی ملک بھر میں آئندہ چند روز کے دوران گرمی کی شدید لہر اور لو چلنے کی پیش گوئی کی ہے اور شہریوں کو احتیاط برتنے کا کہا ہے۔
داعش کے بڑھتے ہوئے حملوں کے تناظر میں طالبان کی سیکیورٹی پر سوالات اٹھنے شروع ہو گئے ہیں۔ مبصرین کا کہنا ہے کہ ٹیکنالوجی اور جدید انٹیلی جنس کی کمی کے باعث طالبان کو داعش جیسی شدت پسند تنظیم سے نمٹنے کے وسائل درکار ہوں گے۔
افغانستان میں طالبان کے برسرِ اقتدار آنے کے بعد سے ہزاروں افغان مہاجرین پاکستان آ چکے ہیں۔ ان میں سے کئی پاکستان میں پہلی مرتبہ عید منائیں گے۔ پاکستان میں موجود افغان مہاجرین کی عید کیسی ہوگی؟ اور کیا انہوں نے عید کی تیاریاں کی ہیں؟ آئیے جانتے ہیں نذرالاسلام کی رپورٹ میں۔
پاکستان میں آپ کسی بھی بازار میں کچھ خریدنے جائیں تو دکانوں پر ’چائنا کا مال‘ لازمی ملے گا حتیٰ کہ اب تو دکانوں اور شاپنگ سینٹرز کے نام بھی چینی ناموں پر رکھے جا رہے ہیں۔ کیا اس سے پاکستانی انڈسٹری اور صارفین کو فائدہ پہنچ رہا ہے؟ جانیے نذرالاسلام کی رپورٹ میں۔
ایک سال پر محیط عرصے کے دوران کوئی کیس سامنے نہ آنے پر پولیو فری پاکستان کا خواب پورا ہونے کی امید بر آئی تھی مگر یہ خواب 22 اپریل بروز جمعہ کو روز اس وقت ٹوٹ گیا جب محکمۂ صحت کی جانب سے شمالی وزیرستان سے تعلق رکھنے والے ایک بچے میں پولیو کی تصدیق کی گئی۔
مزار شریف انتظامیہ کے مطابق دھماکے میں خواتین اور بچے بھی ہلاک ہوئے ہیں جب کہ اب بھی بعض افراد کی حالت تشویش ناک ہے۔
مزید لوڈ کریں
