کرونا بحران میں خانہ بدوش بچوں کی تعلیم کی کوشش
کرونا وائرس کی وبا نے پاکستان بھر میں بچوں کی تعلیم کو بری طرح متاثر کیا ہے۔ ایسے میں غربت کا شکار ان بچوں کے ہاتھ میں کتابیں تھمانا مزید مشکل ہو گیا ہے جو وسائل کی کمی کے باعث پہلے ہی فلاحی تنظیموں یا حکومت کے آسرے پر تھے۔ تفصیلات دیکھیے پشاور سے عمر فاروق کی رپورٹ میں۔
کیا کرونا بحران سے نمٹنے میں ناکامی سے بھارت کی عالمی ساکھ متاثر ہوئی؟
بھارت میں کرونا بحران کی دوسری لہر سے پیدا ہونے والی صورتحال میں امریکہ نے 100 ملین ڈالر سے زیادہ کی امداد فراہم کی ہے ۔ جہاں اس بحران میں بھارت اور امریکہ کے تعلقات میں مزید تبدیلیوں کی توقع کی جا رہی ہے۔ وہیں یہ تنقید بھی کی جا رہی کہ امریکہ کی جانب سے اس بحران سے نمٹنے میں بھارت کو مدد کی پیشکش تاخیر سے کی گئی۔ ایک سوال کیا جا رہا ہے کہ کیا کرونا بحران نے عالمی سطح پر بھارت کی ساکھ کو متاثر کیا ہے؟
یہی سوالات امریکی دارالحکومت واشنگٹن ڈی سی کی جارج واشنگٹن یونیورسٹی میں قائم سیگور سینٹر فار ایشئین سٹڈیز کے زیر اہتمام ہونے والی ایک گفتگو میں پوچھے گئے۔ گفتگو میں ادارے کے ان سابق طالبعلموں نے حصہ لیا، جو بھارت میں کام کر رہے ہیں، اور کووڈ نائٹین کی دوسری لہر سے پیدا ہونے والے بحران کا بغور جائزہ لے رہے ہیں۔
اس گفتگو میں بھارت کی پراتھم ایجوکیشن فاؤنڈیشن میں عالمی تعاون سے کی جانے والی کوششوں میں شریک عہدیدار تانوی بینر جی، کارنیگی انڈیا میں سیکیورٹی سٹڈیز پروگرام کے رابطہ کار اور تحقیقی معاون راہول بھاٹیہ، اقوام متحدہ کیلئے بھارتی مشن کی سابق انٹرن اکشے سدراس اور نئی دہلی میں ایک سٹیل کمپنی کے سپلائی مینجر ویبھو جین نے شرکت کی۔ گفتگو کی میزبانی ایلیٹ سکول کی پروفیسر دیپا اولاپالی اور کویتا دایا نے کی۔
چاروں بھارتی نوجوانوں نے کووڈ نائٹین کی دوسری لہر سے پیدا ہونے والے بحران کے دوران انسانی وقار کی نفی، میڈیاکے کردار ، بھارت کی دیہی آبادی کو درپیش مسائل، طبقاتی تفاوت اور عالمی سطح پر بھارت کی ساکھ متاثر ہونے جیسے مسائل پر کھل کر بات کی۔
بھارت: ہندوؤں کا کریا کرم کرنے والے مسلمان رضا کار
بھارت میں کرونا سے ہلاک ہونے والوں کی آخری رسومات کی ادائیگی بھی ایک بڑا مسئلہ بن چکی ہے۔ ایسے میں دیگر مذہبی اقلیتوں کی طرح مسلمان بھی مدد کے لیے آگے بڑھ رہے ہیں اور ہندوؤں کی آخری رسومات ان کے مذہبی تقاضوں کے مطابق ادا کر رہے ہیں۔ ملتے ہیں لکھنو کے امداد امام سے جو اس کام میں آگے آگے ہیں۔
بھارت میں کرونا بحران: بائیڈن کے لیے سفارتی مگر کاملہ ہیرس کے لیے ذاتی چیلنج
بھارت میں کرونا کا بحران، جہاں،بائیڈن انتظامیہ کے لیے سفارتی اور انسانی بنیادوں پر ایک چیلنج بن کر سامنے آیا ہے، نائب صدر کاملا ہیرس کے لیے، جن کی والدہ بھارت میں پیدا ہوئی تھیں، یہ ایک ذاتی چیلنج بھی ہے۔ کاملا ہیرس اپنے پورے سیاسی کیرئر میں بچپن میں کئی بار بھارت جانے کے تجربے کے خود پر اثر سے متعلق جذباتی انداز میں گفتگو کرتی رہی ہیں۔
امریکہ کی نائب صدر جمعے کو محکمہ خارجہ میں گفتگو کر رہی ہیں، جس میں وہ بھارت میں کووڈ نائنٹین سے لڑنے کی کوششوں پر بات کررہی ہیں اور ان مشکل دنوں میں بھارت کے ساتھ امریکہ کی یکجہتی کا اظہار کر رہی ہیں۔
سال 2018 میں بھارت کی ایک غیر سرکاری تنظیم ’پراتھم‘ کے لیے عطیہ جمع کرنے کی ایک تقریب میں کاملہ ہیرس شریک تھیں اور اس میں خطاب کے دوران انہوں نے اپنے نانا پی وی گوپلان کے ساتھ مل کر کام کرنے کا عزم ظاہر کیا تھا۔ وہ اپنے نانا کو اپنے دوستوں کے ساتھ گفتگو کرتے ہوئے سنتی رہیں جس میں انہوں نے ایک آزاد اور مساوات پر مبنی جمہوریت کی اہمیت پر زور دیا تھا۔
کاملا ماضی میں کہہ چکی ہیں کہ آج وہ جو کچھ ہیں، اس میں اپنے نانا کے ساتھ بسنت نگر کے ایک ساحل سمندر پر ٹہلنے کے دوران ہونے والی گفتگو کا گہرا اثر ہے۔