مزید 70 لاکھ یوکرینی شہری نقل مکانی کرسکتے ہیں، یورپی یونین
روس کے یوکرین پر حملے کے ایک ہفتے کے دوران 10 لاکھ یوکرینی شہری ملک چھوڑ چکے ہیں۔
وائس آف امریکہ کے نمائندہ ہینری ریجویل نے اقوامِ متحدہ کے حوالے سے رپورٹ کیا ہے کہ نقل مکانی کرنے والوں میں سے پانچ لاکھ افراد پولینڈ منتقل ہوئے ہیں۔
رپورٹ کے مطابق دس لاکھ کے قریب افراد ملک کے اندر نقل مکانی کرنا پڑی ہے جب کہ یورپی یونین نے اندازہ ظاہر کیا ہے کہ آئندہ چند ہفتوں میں مزید 70 لاکھ یوکرینی نقل مکانی کرسکتے ہیں۔
یوکرین: جوہری پلانٹ میں لگنے والی آگ پر قابو پالیا گیا
زپورزیا میں یوکرین کے جوہری پلانٹ پر روس کی شیلنگ سے بھڑکنے والی آگ پر قابو پالیا گیا ہے۔
یوکرین کی اسٹیٹ ایمرجنسی سروس نے اپنے بیان میں کہا ہے کہ جوہری پلانٹ میں لگنے والی آگ سے کوئی جانی نقصان نہیں ہوا ہے۔
روس کا مقابلہ کرنے والے رضا کاروں کی یوکرین آمد
امریکی نیوز نیٹ ورک این بی سی کی رپوٹ کے مطابق روس کے خلاف یوکرین کا دفاع کرنے کے لیے پولینڈ سے رضاکاروں کے چھوٹے چھوٹے گروپ یوکرین روانہ ہورہے ہیں۔
این بی سی کے مطابق ان گروپس میں شامل زیادہ تر افراد کی عمریں 20 سے 30 برس ہیں اور یہ زیادہ تر یوکرینی تارکینِ وطن ہیں۔ البتہ ان گروپس میں دیگر زبانیں بولنے والے افراد بھی شامل ہیں۔