یورپ کو موسم میں قدرتی گیس کی شدید قلت کا سامنا ہو سکتا ہے

توانائی کے بین الاقوامی ادارے نے کہا کہ اس موسم سرما میں یورپ کوقدرتی گیس کی سپلائی میں غیر معمولی خطرات کا سامنا کر رہاہے۔

پیرس میں قائم آئی اے ای اے نے پیر کے روز گیس کے بارے میں جاری اپنی سہ ماہی رپور ٹ میں کہا کہ روس کی جانب سے یوکرین کی جنگ کے دوران پائپ لائن کے ذریعے گیس کی سپلائی مکمل طور پر بند کرنے کی صورت میں یورپی یونین کے ملکوں کے پاس گیس کی شدید قلت سے بچنے کا واحد طریقہ یہ ہی ہے کہ توانائی کی بچت کی جائے، اور انہیں موسم سرما میں گیس کا استعمال تیرہ فیصد تک کم کرنے کی ضرورت ہوگی۔ گ

روپ کا کہنا ہے کہ زیادہ تر بچت صارفین کے رویوں سے ہوگی مثلاً تھرمو اسٹیٹ کو ایک ڈگری کم کردینا اور بوائلر کے درجہ حرارت کو ایڈ جسٹ کرنا اور انڈسٹرئیل اور یوٹیلیٹی کو کم کرنا ۔

صدر بائیدن کا طوفان سے متاثرہ پورٹریکو کا دورہ

صدر جو بائیڈن پیر کو پورٹریکو کا دورہ کر رہے ہیں جہاں وہ ہری کین فیونا سے ہونے والے نقصانات کا جائزہ لیں گے۔ سمندری طوفان گزرنے کے دو ہفتے بعد اب بھی ہزاروں افراد بجلی سے محروم ہیں اور ان کے گھر تاریکی میں ڈوبے ہوئے ہیں ۔

کیٹگری ون کے ہری کین نے32 لاکھ لوگوں پر مشتمل اس امریکی علاقے میں بجلی کا سلسلہ منقطع کر دیا ہے جہاں 44 فیصد لوگ غربت کی لکیر سے نیچے زندگی گزار رہے ہیں۔ اس علاقے کے 14 لاکھ 70 ہزار صارفین میں سے لگ بھگ 90 فیصد کی بجلی بحال کر دی گئی ہے لیکن ایک لاکھ 37 ہزار لوگ ابھی تک بجلی سے محروم ہیں ۔

اس کے علاوہ ہ 66 ہزارلوگوں کو پینے کا صاف پانی سبھی میسر نہیں ہے۔ بایڈن نے اتوار کو اپنے سرکاری ٹوئٹر اکاونٹ پر ایک پیغام میں پورٹو ریکو اور فلوریڈا کے لوگوں سے کہا ،" ہم دیکھ رہے ہیں کہ آپ پر کیا گزر رہی ہے، ہم آپ کے ساتھ ہیں" ۔

بائیڈن بدھ کو فلوریڈا میں ہونے والے نقصانات کا جائزہ لینے کے لیے وہاں جائیں گے۔

موسم خزاں میں فلو کے پھیلاؤ کا خطرہ، ڈاکٹروں کا ویکسین شاٹس پر زور

ڈاکٹروں نے امریکیوں کے لیے ایک پیغام میں کہا ہے کہ وہ اس موسم خزاں میں اپنے فلو کے شاٹس لگوانا نہ بھولیں

انہوں نے پہلی بار معمر افراد پر زور دیا گیا ہے کہ وہ خصوصی اضافی طاقت کا شاٹ لگوائیں ۔ ان کا کہنا ہے کہ اس بارے میں کچھ نہیں کہا جا سکتا کہ یہ فلو سیزن کس حد تک خراب ہو گا۔

اگرچہ کووڈ۔ 19 کے پھیلاؤ کے دوران فلو تاریخی طور پر اپنے کم ترین درجوں پر رہا ہے تاہم وہ واپس آسکتا ہے ۔ اس کا ایک اشارہ یہ ہےکہ آسٹریلیا میں ابھی حال ہی میں فلو کا ایک پریشان کن سیزن ختم ہوا ہے ۔

میمفس میں سینٹ جوڈ چلڈرن ریسرچ اسپتال کے انفلوئنزا کے ماہر رچرڈ ویبی نے کہا ہے،" اس سال ہم جانتے ہیں کہ فلو واپس آ گیا ہے،‘‘ امریکہ میں چھ ماہ کی عمر سے فلو کی سالانہ ویکسی نیشنز کی سفارش کی گئی ۔ہے

فلو 65 سال اور اس سے زیادہ عمر کے لوگوں، چھوٹے بچوں، حاملہ خواتین اور دل اور پھیپھڑوں کی بیماری سمیتیصحت کے مسائل میں مبتلا افراد کے لیے سب سے زیادہ خطرناک ہےاور اس سال معمر افراد کے لیے قوت مدافعت بڑھانے کے ایک عنصر کے ساتھ تیار کردہ ایک خصوصی ویکسین لگانے کی سفارش کی گئی ہے۔

انڈونیشیا: فٹ بال میچ بھگدڑ میں ہلاک ہونے والوں میں 17 بچے بھی شامل

انڈونیشیا کے ایک فٹ بال میچ کے بعد بھگدڑ میں ہلاک ہونے والے 125 افراد میں سے کچھ کے اہل خانہ اور دوست اس وقت غم سے نڈھال ہو گئے جب متاثرین کی لاشیں پیر کو گھر واپس پہنچائی گئیں۔ مرنے والوں میں 17 بچے بھی شامل ہیں۔

ایسو سی ایٹڈ پریس کے مطابق پریشان گھرانے اس فٹ بال میچ میں اپنے پیاروں کی اچانک ہلاکت کو سمجھنے کی کوشش کر رہے تھے جو صرف آبائی شہر اریما ایف سی کے شائقین نے دیکھا تھا کیوں کہ منتظم نے انڈونیشیا کی پرتشدد فٹ بال دشمنیوں کی تاریخ کی وجہ سے پرسیبا سورابایا کے حامیوں کے آنے پر پابندی عائد کردی تھی

اسپورٹس کی کسی تقریب میں یہ دنیا کی ایک مہلک ترین بھگدڑ تھی ۔ صدر جوکو ودودو نے سیکیورٹی کے طریقہ کار کی چھان بین کا حکم دے دیا ہے ، اور فیفا کے صدر نے اموات کو فٹبال میں شامل سب کے لئے ایک تاریک دن اور اسے سمجھ سے بالا تر ایک سانحہ قرار دیا۔